Публикации » 16 çул тултарманнисене скутер та, мопед та туянса ан парăр!

26 апреля 2014 г.

Раççей Федерацийĕн Шалти Ĕçсен Министерствин районсем хушшинчи "Батыревский" пайĕн ОГИБДД уйрăмĕн сотрудникĕсем çăва тухнăранпа çул-йĕр çинчи хăрушлăх хăвăрт ỹсни çинчен пăшăрханса пĕлтереççĕ. Çак хăрушлăха ытларах чухне 16 çул тултарман ачасем - скутерпа е мопедпа çỹрекенсем ỹстереççĕ. Саккунпа вара 16 çул тултарманнисен руль умне ларма пачах та юрамасть! Хисеплĕ ашшĕ-амăшĕ! Çакна ан манăр: хăвăрăн ачăра скутер туянса парса эсир вилĕм суннă пекех ырă мар ĕç тăватăр. Çак транспорт хатĕрĕ çул-йĕр çинче тунă аварисен 95 проценчĕ вилĕмпе вĕçленет. Çавăн пекех скутер çине пассажир пулса ларма та юрамасть. Ачăрсен пурнăçĕ - сирĕн аллăрта! 

Полицин районсем хушшинчи "Батыревский" пайĕн ОГИБДД уйрăмĕ.

Источник: "Шăмăршă хыпарĕ"