19 февраля 2014 г.
Канмалли кунсене шкул ачисем усăллă ирттерчĕç. Вĕсем «Шурă ладья» клубăн парнисене çĕнсе илессишĕн шахматла выляссипе ăмăртрĕç. Пурĕ 12 шкул команди хутшăнчĕ. Турнирта Элĕк шкулĕн ачисем маттуртарах пулчĕç, малти вырăна йышăнчĕç. Иккĕмĕшпе виççĕмĕш вырăна тавăтсемпе «Хĕлхем» ача-пăча спорт шкулĕн çамрăкĕсем пайларĕç.
Уйрăм вылякансенчен А.Калягина (Мăн Ямаш), Р.Никандрова (Элĕк) тата Д.Степанова палăртас килет. Хĕр ачасем хушшинче Аня Степановăна (Элĕк) çĕнтерÿçĕ пулса тăчĕ. Иккĕмĕш вырăна В.Михайлова (Мăн Выла шкулĕ) çĕнсе илчĕ. Виççĕмĕш вырăна ача-пăча спорт шкулĕнче ăсталăха туптакан А.Сорокина тивĕçрĕ.
Командăсем хушшинче Элĕксем малти вырăна çĕнсе илчĕç. Иккĕмĕшсем тавăтсем пулчĕç. «Хĕлхем» ача-пăча шкулĕн çамрăкĕсем виççĕмĕш вырăна йышăнчĕç.
Источник: "Пурнăç çулĕпе" Аликовская районная газета