Публикации » Сăваплă вырăнта çĕнĕ çурт çĕкленет

25 мая 2013 г.

АЛМАНЧĂСЕМ чылай ĕçе нимелле кар тума кăмăллаççĕ. Иртнĕ çулхи кĕркунне вĕсем халăх вăйĕпе ял масар çурчĕн никĕсне хурса хăварнă. Халĕ вара уйрăм хастарсем тăрăшнипе ăна купаласа лартнă, тăррине витнĕ. Çветтуй Тройцă праçникĕ умĕн вилнисене асăнма сăваплă вырăна пуç тайма кайиччен ытти вакăрах ĕçсене вĕçлесшĕн, йĕри-таврашне тирпей-илем кỹртесшĕн. Сăмах май каласан, Пăлапуç Пашьелсем ку енĕпе районта чи кăтартуллисем. Вĕсем кашни çулах предпринимательсен пулăшăвĕпе ял масарне тасатса тирпейлеççĕ. Кăçал та çаплах тунă.

Источник: "Авангард" (газета Батыревского района)