Публикации » Çыхăну уйрăмĕн начальникĕ – чи малта!

14 июня 2012 г.

АЛМАНЧĂРИ почта çыхăнăвĕн начальникĕ М. Аляшкина çак кунсенче Чăваш Ен чысне хÿтĕлесе Хусанта Атăлçи Федераллă округра йĕркеленĕ конкурса хутшăнса диплом илсе таврăннă. Унта каймалли “путевкăна” вара Мария Кузьминича хамăр республикăри яллă вырăнсенчи ĕçтешĕсемпе ирттернĕ тупăшура çĕнсе илнĕ. Хăйĕн пултарулăхне пур енĕпе те тивĕçлипе кăтартса виçĕ пăхаттир амăшĕ пĕрремĕш вырăн йышăннă, киле пысăк телевизорпа таврăннă! Хастар ĕçченĕн савăнăçне пĕрле пайланă май çакна палăртса хăварар: 18 çул пĕр улшăнмасăр тăрăшать вăл. Кашни çул плансене ирттерсе тултарать. Район хаçатне – “Авангарда” – ял халăхĕ хушшинче сарассипе те чи кăтартуллисенчен пĕри.

Источник: "Авангард" (газета Батыревского района)