Публикации » Мĕн çитмест этеме?

Кăçалхи февраль уйăхĕн 4-мĕшĕнче 14 сехет те 10 минутра Кÿпеш ялĕнчи П. пĕр ялтах пурăнакан М. килĕнче пĕр-пĕрне курайманнипе тухнă хирĕçÿ вăхăтĕнче юри, çын сывлăхне сиен кÿрес тĕллевпе М.-а аллисенчен тытса тата пăрса диван çинчен урайне ÿкернĕ, урисенчен тытса тухмалли алăк патнелле тăватă метра яхăн сĕтĕрнĕ. Унтан М. урисем çине тăрса каяйманнишĕн виçĕ-тăватă хутчен чышкипе хул пуççирен чышнă. Çакна тума П.–на пĕр ялти хĕрарăма хăйĕнпе пурăнакан ар çын çумне кĕвĕçни хĕтĕртнĕ.

Хăйĕн хăтланăвĕпе П. М.-н сывлăхне сиен кÿнĕ: сулахайри хул пуççи шăмми хуçăлнă, çывăхри çемçе тĕртĕмсене юн кайнă тата ытти те. Çакна пула М.-н ĕçлес пултарулăхĕ чакнă.

Çапла майпа çын сывлăхне пурнăçшăн хăрушă сиен кÿрсе П. РФ Уголовнăй Кодексĕн 111 статйин 1-мĕш пайĕпе пăхса хунă преступление тунă.