Публикации » Республикăра пĕрремĕш пулнă

Александровка пĕтĕмĕшле пĕлÿ паракан тĕп шкулĕнчи «Челолепы» команда экологсен республикăри ХII слетне хутшăннă. Малтанхи кунах вĕсем экологсен тата краеведсен теориллĕ пайĕнче тупăшнă. Çамрăк экологсем 4-мĕш, краеведсем 1-мĕш вырăн йышăннă. Каçхине командăпа паллаштарассипе иртнĕ конкурсра 3-мĕш пулнă.

Тепĕр кунхине вĕренекенсем экологипе контроль турист маршручĕпе çула тухса 2-мĕш вырăн, экологи сукмакне сыхлас енĕпе 1-мĕш вырăн çĕнсе илнĕ. Юлашки кун экологи объектне çырса парас (2-мĕш вырăн), палăртнă вырăнта тĕпчев ĕçĕсем тăвас (4-мĕш вырăн) тĕлĕшпе конкурссем пулнă.

Пĕтĕмĕшле кăтартусемпе вĕсем республикăра 1-мĕш вырăн йышăннă. Ку, паллах, пысăк çитĕнÿ.

Çывăх вăхăтра çамрăк экологсен командин республика чысне Ульяновск облаçĕнчи Курлан поселокĕнче хÿтĕлемелле. Хамăр республикăна юратакансене, предпринимательсене шкул ачисем пăртак та пулин финанс енĕпе пулăшма ыйтаççĕ. Вĕсем район, республика ятне ямасса шантараççĕ.