Публикации » "Свобода" колхозра – отчетлă пуху

10 марта 2010 г.

Нумай пулмасть "Свобода" колхозра отчетлă пуху иртрĕ. Чи малтанах колхоз председателĕ В.Ф.Бромбин 2009 çула пĕтĕмлетсе доклад туса пачĕ. Палăртмалла, анатçĕрпÿкассисен мĕнпе мухтанмалли пурах. Колхоз ура çинче çирĕп тăраканнисен йышĕнче. Иртнĕ çул хуçалăх вăйлă тыр-пул пухса кĕртнĕ, кĕрхи культурăсен тухăçĕ кашни гектартан 41 центнерпа танлашнă. Сĕт сăвассипе те колхоз районта малта пырать. Кунти А.Ивановапа Е.Максимова дояркăсем иртнĕ çулта кашни ĕнерен 5 пин килограмм ытла сĕт сунă. Куратпăр ĕнтĕ, В.Ф.Бромбин хуçалăха аталану çулĕпе тĕрĕс ертсе пынăранах кăтартусем çултан-çул лайăхланса пыраççĕ. Çавăнпа колхоз ĕçченĕсем унăн ĕçне тивĕçлĕ хак парса малашне те "Свобода" колхоза ертсе пыма ăнах шанас тесе йышăнчĕç.

Источник: "Пирěн пурнăç"