Публикации » Таса пĕве – ял илемĕ

Районти ялсенче пĕвесем типсе пыни, юшкăнпа тулса ларни никамшăн та вăрттăнлăх мар. Атнар ял тăрăхĕн пуçлăхĕ А.Н.Кузнецов çак çитменлĕхсемпе çине тăрса кĕрешнине палăртмалла. Кăçал вăл йĕркелесе ертсе пынипе Туканашри юшкăнпа тулнă тăватă пĕвене тасатнă – пурĕ 2050 тăваткал метр ĕç тунă. Çавăн пекех Атнар салинче пурĕ 6400 тăваткал метр йышăнакан икĕ пĕвене йĕркене кĕртнĕ, Трапайра – 500, II Липовкăра – 225. Хальхи вăхăтра механизациленĕ бригада Березовка ялĕнчи пĕвесене тасатса тарăнлатассипе тимлет. Ырă ĕçе ял çыннисем те хастар хутшăннине асăнмалла.

– Тасатса тирпейленĕ пĕве вăл – ял илемĕ, – тесе палăртать ял пуçлăхĕ Александр Николаевич.