Публикации » «Тайфун» район чемпионĕ

Футболла выляссипе районта мала тухассишĕн пынă вăйăсем вĕçленнĕ. Юлашки тупăшу район центрĕнчи çамрăксемпе уйпуçсем хушшинче иртнĕ. Вăйă 1:1 шутпа вĕçленнĕ. Çу каçипе тăсăлнă чемпионатра «Тайфун» (Уйпуç) чылай çĕнтерÿ тунă. Вĕсемех кăçалхи сезонра чемпионсем пулса тăнă. Иккĕмĕш вырăна хĕрлĕчутайсем çĕнсе илнĕ, виççĕмĕш – «Спартак» (Питĕркасси).

Республикăра мала тухассишĕн те ăмăртусем çивĕч пыраççĕ. Августăн 1-мĕшĕнче районти футболист-ветерансем Шупашкарти «Волга» командăна 10:1 шутпа выляса янă. «Резон-СК-Центр» Етĕрнери «Колос» футболисчĕсене 5:4 шутпа парăнтарнă. Августăн 9-мĕшĕнче хĕрлĕчутайсем Красноармейскинчи «Факел» командăна» тата Шупашкарти «Энергия» спорт ветеранĕсене кĕтсе илеççĕ. Кĕрешÿ Питĕркассинчи стадионта пулĕ.