Публикации » Вулавăш ĕçченĕсем хастралăх кăтартаççĕ

11 мая 2020 г.

Республикăра Интернет тĕтĕлĕпе усă курса йĕркелекен тĕрлĕрен конкурспа акцие районти ялсенчи библиотека ĕçченĕсем пĕрин хыççăн тепри хастар хутшăнни савăнтарать. Маларах Шăхачсем, Нăрваш Шăхальсем хăйсен илемлĕ тавралăхне сăнлакан сăн ÿкерчĕксен конкурсне хутшăннăччĕ. Ҫак кунсенче çеç вара ачасемпе çамрăксен республикăри библиотеки «Эсĕ тата эпĕ – Чăваш Ен» йĕркеленĕ акцие хапăлласа Ҫĕнĕ Ахпÿрт ял библиотекинчи Надежда Лекерова вулавăш ĕçченĕ республика карттин ÿкерчĕкĕ çине йăл кулăпа çиçекен савăнăçлă ачасен сăн ÿкарчĕкĕсенчен илемлĕ фотоколлаж туса янă. Библиотекарĕн творчествине республика шайĕнче лайăх хак панă.

А. ЕГОРОВА

Источник: "Авангард" (газета Батыревского района)