17 января 2020 г.
Пăлапуҫ Пашьелĕнчи библиотекăра «Ҫутă пайăрки» православи клубне йĕркеленĕренпе нумай ҫул иртрĕ ĕнтĕ. Унпа Светлана Аблясова библиотекарь ĕҫлет. Маттур, темĕнпе те кăсăкланма юратакан ачасем ҫӳреҫҫĕ кунта. Кĕнеке тусĕсем вулавăша кашни вырсарни кун пуҫтарăнаҫҫĕ, тĕрлĕ мероприяти ирттереҫҫĕ. Сретени чиркĕвĕн настоятелĕ Иоанн атте ачасемпе тĕрлĕ калаҫу ирттерет, илемлĕ фильмсемпе паллаштарать, экскурсине илсе ҫӳрет, ачасен тавра курăмне ӳстерет. Фатиния матушка вара пылак ҫимĕҫсемпе сăйлать. Районти «Раштав ҫăлтăрĕ» фестивале те хутшăнса вĕсем Иоанн атте аллинчен кучченеҫсем илеҫҫĕ.
К. ЧЕРНОВА
Источник: "Авангард" (газета Батыревского района)