21 января 2019 г.
Район администрацийĕн 2018 çулхи октябрĕн 16-мĕшĕнчи йышăнăвĕпе килĕшỹллĕн "Централизациленĕ клуб тытăмĕ" хăйтытăмлă учреждение çĕнĕлле йĕркелетпĕр. Çак енĕпе ĕçсем вĕçленсе пыраççĕ теме те юрать.
Малашне "Централизациленĕ клуб тытăмĕ" хăйтытăмлă учрежденипе "Централизациленĕ библиотека тытăмĕ" бюджетлă культура учрежденийĕ т.ата "Çын тата çутçанталăк" краеведени халăх музейĕ" бюджетлă культура учрежденийĕ пĕрлешнĕрен çĕнĕ учреждени пулĕ. Унăн ячĕ - "Нумай функциллĕ культура центрĕ" хăйтытăмлă учреждени.
Çитес вăхăтрах асăннă учрежденин директорне палăртас шутпа конкурс иттерĕпĕр. Районти библиотека тытăмĕн ертỹçи заведующи пулĕ, музейăн - фондăн тĕп управçи. Виçĕ культура учрежденине пĕрлештерни вĕсен вырăнĕ тата ĕç-хĕлĕ улшăннине пĕлтермест, кунти пулăшусем тата мероприятисем малтанхи шайрах пурнăçланса пырĕç.
Александр САМСОНОВ, райадминистрацин культура, туризм тата архив ĕçĕн пай начальникĕ
Источник: "Пирěн пурнăç"