25 мая 2012 г.
Шупашкарта иртекен Пĕтĕм тĕнчери кинофестиваль вăхăтĕнче Чăваш патшалăх культурăпа искусствăсен институтĕнче киношкул ĕçлесси пирки вулакана пĕлтернĕччĕ. Унăн пĕрремĕш хăни – Узбекистан искусствăсен тава тивĕçлĕ ĕçченĕ Али Хамраев режиссер, сценарист. Али Иргашалиевич 75 çул каялла Ташкентра çуралнă. ВГИКăн режиссер факультетне пĕтернĕ. Илемлĕ тата документла 60 яхăн телефильм ÿкернĕ.
Хăй каланă тăрăх – тупăш илес тĕллевпе мар, куравçă патне хăйĕн шухăшне çитерес тĕлĕшпе ĕçлет. Кунта вăл тĕрлĕ наградăна тивĕçнĕ «БоБаБу» картинăпа килнĕ. Хамраев Библири пĕртен-пĕр йĕркене илсе ăна малалла хăйĕн шухăшĕпе аталантарса пынă.
Ун хыççăн тепĕр кунхинех киношкул Олег Ковалев сценариста, актера, киноведа, Фархот Абдуллаев режиссера, актера, Рамил Камил оглы Азимов актера, Елена Долгопят сценариста йышăнчĕ.
Источник: "Тăван ен"