20 мая 2009 г.
Июнь уйăхĕн 1-6-мĕшĕсенче Чăваш Ен тĕп хулинче Пĕтĕм тĕнчери Шупашкарти кинофестиваль иртĕ.
Унăн тĕп тĕллевĕ – киноискусствăра пултаруллă произведенисене тупса палăртасси тата вĕсене çÿллĕ шая çĕклесси, тĕнчери глобализаци вăхăтĕнче тĕрлĕ халăх кун-çулне сăнласа кăтартасси, халăхсен хушшинчи çыхăнăва палăртасси тата ыт. те.
Фестиваль президенчĕ – паллă кинорежиссер, Раççей халăх артисчĕ, «Мосфильмăн» генеральнăй директорĕ Карен Шахназаров. Илемлĕх ертÿçи вара – киновед, продюсер, «Кинопроцесс» журнал тĕп редакторĕ, Кинематографи искусствисен «НИКА» Раççей академийĕн членĕ Вячеслав Шмыров.
Фестиваль программинче илемлĕ, документлă тата ача-пăча фильмĕсем пулĕç. Çавăн пекех куракана киноретроспективăпа та паллаштарĕç.
Фестивале пĕлтĕрхи пекех чаплă лару-тăрура уçĕç, студентсем валли мастер-классем, «çавра сĕтелсем» иртĕç, çавăн пекех куракана конкурса тăратнă тата конкурс тулашĕнчи фильмсемпе савăнтарĕç.
Çĕнтерÿçĕсене «Анне» пăхăр статуэткăпа чыслĕç.
Источник: "Наша жизнь" (Красночетайская районная газета)