Публикации » Ĕç вырăнĕ ытларах пулĕ

26 ноября 2014 г.

Шăмăршă хыпарĕ" хаçатра Улмаллăри Н.Тимофеев предприниматель кролик-акселератсем ĕрчетме тытăнни çинчен çырнăччĕ. Николай пек хастар çынсем - кăçал предпринимателĕн йывăр ĕçне пуçăннисем районта тата та пур-ши? В.ХРИСАНОВ. Анат Чаткас ялĕ. Ыйту çине район администрацийĕн экономика пайĕн пуçлăхĕ Эльвира Жамкова хуравлать: - Кăçалхи январь-сентябрь уйăхĕсенче 4 çын харпăр-хăй ĕçне йĕркелесе ячĕ: обществăлла апатлану енĕпе (А.Хафизов уйрăм предприниматель), суту-илỹпе (П.Карзанов уйрăм предприниматель), пассажирсем турттарассипе (И.Владимиров уйрăм предприниматель) тата кроликсем ĕрчетессипе (Н.Тимофеев). Кĕçĕн бизнес вăйĕпе кăçал районта 2 çĕнĕ объект уçăлчĕ: керамзитпа бетон блокĕсем туса кăларакан (А.Романов) тата брусчатка хатĕрлекен (Х.Арутюнян) цехсем. "Качество" ООО Патирек ялĕнче унчченхи "Солнышко" ача сачĕн çуртĕнче кондитер изделийĕсем пĕçерсе хатĕрлекен цех уçма шутлать. Проектăн сметăпа пăхнă хакĕ - 30 миллион тенкĕ. Кунта 15 çын валли ĕç вырăнĕ пулĕ.

Источник: "Шăмăршă хыпарĕ"