30 июля 2014 г.
Районти халăха ĕçпе тивĕçтерекен центр çулталăк пуçланнăранпа ĕçсĕр тăрса юлнă 12 çынна професси пĕлĕвне ỹстерме е çĕнĕ специальноç илме вĕренме янă. Центр республикăри 6 вĕрентỹ учрежденийĕпе професси пĕлĕвĕ илме килĕшỹ тунă. Граждансем электрогазосварщик тата уйрăм хуралçă (частный охранник) специальноçĕсене илме, "1С: Предприяти 8" тата "1 С: Суту-илĕве ертсе пырасси" программăпа квалификацие ỹстерме, В тата Д категориллĕ водителе, повара, парикмахера тата кадрсемпе ĕçлекен специалиста вĕренме пултараççĕ. Хальхи вăхăтра центр çак специальноçсене илме вĕренỹ ушкăнĕсем йĕркелет: маникюрша, педикюрша, интерьер дизайнерĕ, компьютер графикин специалисчĕ, бухгалтер, клиентсемпе ĕçлекен менеджер, Web дизайнер, АСБУ "1 С: Предприяти", АСБУ "Суту-илĕве ертсе пырасси", повар. Тĕплĕнрех халăха ĕçпе тивĕçтерекен центра 2-31-98 телефонпа шăнкăравласа е хăвăр килсе пĕлме пултаратăр.
С.КУЗЬМИН, районти халăха ĕçпетивĕçтерекен центр директорĕ.
Источник: "Шăмăршă хыпарĕ"