17 мая 2014 г.
Районти халăха ĕçпе тивĕçтерекен центр çулталăк пуçланнăранпа ĕçсĕр тăрса юлнă 11 çынна çĕнĕ професси илме е квалификацие ỹстерме вĕренме ячĕ. Ĕçсĕррисем хальхи пурнăçра кирлĕ специальноçсене - электрогазосварщика, транспорт хатĕрĕсен "В", "Д" категориллĕ водительне, уйрăм хуралçа, парикмахера, кадрсен пайĕн специалистне, повара вĕренеççĕ, "1С: Предприяти" тата "Суту-илĕве ертсе пырасси" специальноçсемпе квалификацие ỹстереççĕ. 6 çын вĕренсе тухрĕ ĕнтĕ, вĕсенчен тăваттăшне хăйсен специальноçĕпе ĕçе вырнаçтарнă.
С.КУЗЬМИН, районти халăха ĕçпе тивĕçтерекен центр директорĕ.
Источник: "Шăмăршă хыпарĕ"