30 апреля 2014 г.
Апрелĕн 22-мĕшĕнче районти халăха ĕçпе тивĕçтерекен центрта предприниматель пулма шут тытнă, хальлĕхе вара ĕçсĕррисен ретĕнче тăракан граждансем валли "Харпăр-хăвăн ĕçне мĕнле йĕркелесе ямалла" темăпа семинар-тренинг иртрĕ. Унта ĕçсĕр тăрса юлнă 11 çын хутшăнчĕ. Занятие Чăваш Республикинчи халăха ĕçпе тивĕçтерекен патшалăх службин "Аспект" вĕрентỹпе методика центрĕн директорĕн çумĕ А.П.Колесников ирттерчĕ, пулас предпринимательсен ыйтăвĕсем çине те тулли хурав пачĕ. Паллă ĕнтĕ, Чăваш Енре ĕçсĕр тăрса юлнă граждансене, енчен те вĕсем харпăй-хăй ĕçне йĕркелесе ярасшăн пулсан, патшалăх каялла тавăрса памалла мар 58800 тенкĕ субсиди парса пулăшать.
С.КУЗЬМИН, районти халăха ĕçпе тивĕçтерекен центр директорĕ.
Источник: "Шăмăршă хыпарĕ"