12 апреля 2014 г.
Районта апрелĕн 1-мĕшĕнчен пуçласа ялсене тирпей-илем кĕртмелли, йывăçсемпе тĕмсем лартмалли уйăхлăх пырать. Паллах, мĕн палăртнине пурнăçлама ĕç вăйĕ нумай кирлĕ. Çакна шута илсе, районти халăха ĕçпе тивĕçтерекен центр ĕçсĕр тăрса юлнă граждансемпе килĕшỹ йĕркелеме тытăнчĕ. Хальлĕхе предприятисемпе тата организацисемпе граждансене вăхăтлăха ĕçе илме 23 договор тунă, 38 çынна ĕç тупса патăмăр. Вĕсем ялсене тирпей-илем кĕртме хастар пуçăнчĕç.
С.КУЗЬМИН, районти халăха ĕçпе тивĕçтерекен центр директорĕ.
Источник: "Шăмăршă хыпарĕ"