20 ноября 2013 г.
«Твой выбор профессии» республика акцийĕ пирки маларах пĕлтернĕччĕĕ. Пирĕн районта вăл питĕ активлă пуçланчĕ.
Районти вун пĕр шкулта чылай мероприяти ирттерме палăртса хунă. Тунти кун акă вĕренÿ учрежденийĕсенче уçă класс сехечĕсем, «Манăн пулас професси» сочиненисен конкурсне тата «Радуга профессий» ÿкерчĕксен конкурсне ирттерчĕç.
Ĕнер вара ачасем професси консультацийĕн занятийĕсене хутшăнчĕç. Вĕренекенсем хăйсем хăш профессие суйласа илме пултарассине ятарлă тестсем урлă пĕлчĕç. Çaк кун ачасем районти тĕрлĕ организаци-предприятисенче ĕçлекенсемпе те тĕл пулчĕç: фельдшерсемпе, пекарьсемпе, журналистсемпе, библиотекарьсемпе, ял хуçалах ĕçченĕсемпе тата ыттисемпе те.
Эрне вĕçлениччен вара шкулсенче тата чылай мероприяти иртмелле. Акци вăхăтĕнче илнĕ пĕлĕве тата хăйсен шухăшне ачасем çавра сĕтел хушшине ларса пĕтĕмлетĕç.
Çaк акци вĕренекенсемшĕн питĕ пĕлтерĕшлĕ: тĕнчере пин-пин професси - пĕлмелли нумай, суйламалăх та пур.
Н. НиколаевИсточник: "Çĕнтерÿ ялавĕ"