01 ноября 2014 г.
Халăха ĕçпе тивĕçтерес енĕпе «пĕр чÿрече» мелĕпе мĕнле пулăшу илме пулать?
А.МОРОЗОВА, Шупашкар хули.
2013 çулхи чÿк уйăхĕн 28-мĕшĕнче Чăваш Ен Халăха ĕçпе тивĕçтерекен патшалăх службипе «Патшалăх тата муниципалитет пулăшăвĕсемпе тивĕçтерекен нумай функциллĕ центр» АУ пĕрле ĕçлесси çинчен килĕшÿ çирĕплетнĕ. Ăна тĕпе хурса 2015 çулхи кăрлачăн 1-мĕшĕнчен республикăри патшалăх тата муниципалитет пулăшăвĕсемпе тивĕçтерекен нумай функциллĕ мĕнпур центр, çавăн пекех ку ĕçе хутшăнтаракан организацисен /ялти тĕслĕх вулавăшсен, информаципе культура центрĕсен/ никĕсĕ çинче Чăваш Республикинчи ĕç рынокĕнчи лару-тăру пирки хыпарлас тĕлĕшпе патшалăх пулăшăвĕ параççĕ. Асăннă организацисенче ăна тивĕçмелли документсене «пĕр чÿрече» мелĕпе йышăнаççĕ. Патшалăх пулăшăвĕ - тÿлевсĕр.
Чăваш Ен Халăха ĕçпе тивĕçтерекен патшалăх служби.
Источник: "Хыпар"