28 мая 2013 г.
2012 çулхи майăн 7-мĕшĕнче РФ Президенчĕ В. Путин 606 №-лĕ “Раççей Федерацийĕнче демографи политикине пурнăçа кĕртес тĕлĕшпе пурнăçламалли мерăсем” Указ йышăннăччĕ. Ăна пурнăçа кĕртес тата çамрăк ача амăшĕсене социаллă пулăшу парас енĕпе районти ĕçпе тивĕçтерекен центрта виçĕ çула çитмен пепкесен, çĕнĕрен ĕçе тухма палăртакан амăшĕсене профессиллĕ вĕрентÿ парас енĕпе малалла ĕçлеççĕ. Асăннă программăна халĕ ĕçлекен, çавăн пекех пирĕн патăрта ĕç шырать тесе учетра тăракан хĕрарăмсем те кĕреççĕ.
2013 çулта профессилле вĕрентĕве çамрăк 7 ача амăшне яма пăхнă. Пепкепе килте ларнă самантра ĕç стажĕнче тăхтав тунă, вăхăтлăха квалификацине тата ĕç хăнăхăвне çухатнă çамрăк ача амăшне ĕçпе тивĕçтерекен центр çĕнĕрен вĕрентсе пĕлĕве ÿстерме, кĕске вăхăтрах туллин ĕçе кÿлĕнме, профессилле ÿсĕм тума май парать.
Кăçалхи майăн 20-мĕшĕ тĕлне виçĕ хĕрарăма профессилле вĕрентĕве ятăмăр: 2-не “1С:Предприятие 8” АСБУ оператор профессийĕпе, пĕрне повар профессийĕпе. Ку ĕç малалла пырать.
Килте виçĕ çулчченхи пепкесене пăхса ларакан амăшĕсене, енчен те вĕсем вĕренсе пĕлĕве, квалификацие ÿстерме кăмăл тăваççĕ пулсан, районти ĕçпе тивĕçтерекен центра (Красноармейски ялĕ, Комсомольски тăкăрлăк, 1-мĕш çурт) пыма е 2-24-24, 2-17-39 телефонсемпе шăнкăравлама ыйтатпăр.
И. Иванов
Источник: "Ял пурнăçĕ" (Красноармейская районная газета)