05 мая 2012 г.
Ака уйăхĕн вĕçĕнче “Чăваш Республикинчи халăха ĕçпе тивĕçтерекен патшалăх службин Красноармейски районĕнчи халăха ĕçпе тивĕçтерекен центрĕ” хысна (казенный) учрежденийĕнче вакансисен пысăках мар ярмарки иртрĕ.
Вакансисен черетлĕ ярмаркине Е. А. Анисимова уйрăм предприниматель хăй ыйтнипе йĕркелерĕмĕр. Унта ĕçсĕр тăрса юлнă çынсем валли çак вакансисем пулчĕç: технолог, çĕвĕ машинисен наладчикĕ, çĕвĕçĕ, бухгалтер. Елена Анатольевна вакансисен ярмаркине килнисене хăйĕн предприятийĕнчи ĕç условийĕсемпе , ĕç укçи калăпăшĕпе, малашлăх тĕллевĕсемпе паллаштарчĕ. Эпир пирĕн патра учетра тăракан, çÿлерех асăннă специальность çук çынсене хамăр центр урлă вĕренме сĕнÿ-канаш патăмăр. Пĕтĕмпе вакансисен ярмаркине 9 çын килчĕ, вĕсенчен 5-шĕ ĕçе вырнаçма направленисем илчĕç.
Е. А. Анисимова асăннă мероприятишĕн тав туса малашне те пирĕнпе тачă çыхăнса ĕçлеме пулчĕ.
Источник: "Ял пурнăçĕ" (Красноармейская районная газета)