23 декабря 2011 г.
“Чăваш Республикинчи халăха ĕçпе тивĕçтерекен патшалăх службин Красноармейски районĕнчи халăха ĕçпе тивĕçтерекен центрĕ” хысна учрежденийĕ тÿлевсĕр майпа патшалăх çăмăллăхĕсем парать.
Юлашки вăхăтра пирĕн учреждени паракан çăмăллăхсен хисепĕ чылай ÿсрĕ. Халĕ эпир тÿлевсĕр майпа çак енĕпе патшалăх çăмăллăхĕсем паратпăр:
— сирĕн предприятине (учрежденипе организацине) анчахрах профессилле вĕренÿ заведенийĕнчен вĕренсе тухса ĕçе вырнаçнă хĕрпе е каччăпа стажировка ирттеретпĕр;
— ĕçсĕр тата ĕç шыракан граждансене кĕске вăхăтлăх курссенче вĕрентсе кăларса сире кирлĕ пулакан квалификацилле рабочисем хатĕрлесе паратпăр;
— сирĕн валли кирлĕ ĕçченсем суйласа тупатпăр;
— сирĕн предприятин вакансисене ĕçпе тивĕçтерекен учрежденин Интернет-сайтĕнче тата Пĕтĕм Раççейри TBUDVSEM порталĕнче вырнаçтаратпăр;
— мини-ярмаркăсен вакансине йĕркелетпĕр;
— ĕç паракансене кирлĕ работниксем суйласа илнĕ çĕрте консультацисем паратпăр;
— ĕç рынокĕнчи лару-тăрупа паллаштарса тăратпăр.
Эсир хамăр районти ĕçпе тивĕçтерекен центрта регистрацие тăман пулсан центр паракан çăмăллăхсемпе усă кураймастăр.
Ĕç паракансен хăйсене кирлĕ работниксене суйласа илес тĕлĕшпе патшалăх пулăшăвĕ илес тесен (анчах вĕсем пирĕнпе пирвайхи хут çыхăну тытаççĕ) пирĕн пата çакăн евĕр документсем тăратмалла:
— кирлĕ работниксене суйласа илес тĕлĕшпе патшалăх пулăшăвĕ илме заявлени-анкета (анкетăсен бланкĕсемпе ĕçпе тивĕçтерекен центр тивĕçтерет);
— “Сведения о потребности в работниках, наличии свободных рабочих мест (вакантных должностей)” ятлă çырса хунă бланк;
— юридици енне е уйрăм предпринимателе патшалăх енчен регистрациленин свидетельствин копине;
— РФ гражданинĕн паспортне е ăна улăштаракан документа — РФ гражданлăхĕ пур ĕç паракансем-уйрăм çынсем.
Кăçалхи августăн 1-мĕшĕнчен тытăнса республикăри ĕçпе тивĕçтерекен центрсенче ĕçпе тивĕçтерекенсем патшалăх çăмăллăхне электронлă майпа илме тытăнчĕç. Çыру пулăшăвĕпе (ăна ĕçпе тивĕçтерекен центра электронлă почтăпа ярса параççĕ) йышăнăва çырăнма, кирлĕ работниксене суйласа илес çĕрте пулăшу кÿрес тĕллевпе заявлени пама, вакансисене йышăнас тĕлĕшпе кандидатурăсем пирки информацисем тăратма, ытти электронлă çăмăллăхсем илме май пур. Пĕртен-пĕр услови — заявлени тăратнă ĕç параканăн электронлă цифрăллă мелпе алă пусни (электронная цифровая подпись) пурри. Ăна пысăках мар хакпа “Ростелекомра” туянма пулать. Ку чухне вара çăмăллăхсене килтен тухмасăрах илме май пур.
2012 çултан пуçласа пирĕн центр ĕçсĕр тата ĕç шыракан граждансемпе калаçу йĕркелеме Интернет урлă видео-чата (SKYPE) программа вырнаçтарать.
Организацие пĕтерме е унăн ĕç-хĕлне чарса лартма, коллектив йышне е работниксен хисепне чакарма, ĕç килĕшĕвĕсене пăрахăçлама йышăну кăларсан ĕç паракан организацин икĕ уйăхран, ĕç паракан уйрăм предпринимателĕн вара икĕ эрнерен кая юлмасăр кун пирки çыру çырса ĕçпе тивĕçтерекен органсене пĕлтермелле, унта работниксен должноçне, профессине тата квалификацине, кашни ĕçченĕн шалăвне кăтартмалла, енчен те организацири коллектив йышне е работниксен штатне чакарас — ĕç работниксене массăллăн ĕçрен кăларасси пирки тăрать пулсан — кун пирки виçĕ уйăхран кая юлмасăр хурав памалла.
Тулли мар ĕç кунĕ (смена) е тулли мар ĕç эрни туса хурсан, çавăн пекех производствăна чарса лартсан ĕç параканăн виçĕ кун хушшинче ĕçпе тивĕçтерекен центра çырупа тухмалла.
Ĕçпе тивĕçтерекенсен уйăхсерен ĕçпе тивĕçтерекен центрсене çак документсене тăратмалла:
— ĕç паракан пирки панкрут (банкротство) процедурине усă курни çинчен сведени, çавăн пекех инвалидсене ĕç вырăнĕпе тивĕçтерни çинчен информаци;
— вакантлă ĕç вырăнĕсем пурри тата инвалидсене ĕçе илес квотăна епле пурнăçлани çинчен информаци.
Енчен те гражданина, ĕçпе тивĕçтерекен службăран янăскерне, ĕçе илме хирĕçлерĕç пулсан, ĕç паракан (работотатель) центр панă направленине каялла тавăрса парса маларах ун çине ĕçсĕр çын ĕçе вырнаçма хăçан килнине тата ăна мĕншĕн ĕçе илменнине паллă тăвать.
Пирĕн адрес :429620, ЧР, Красноармейски ялĕ, Комсомольски тăкăрлăкĕ, 1-мĕш çурт.
E-mail: kraslzn@chtts.ru. Факс: 2-17-39.
“Хĕрÿ линин” телефонĕ: 2-13-47.
Источник: "Ял пурнăçĕ" (Красноармейская районная газета)