26 августа 2011 г.
Кĕçех сирĕн пепкене пăхма уйăрса панă отпуск вăхăчĕ вĕçленет. Эсир активлă ĕç патне таврăнма хатĕр-ха, анчах та çак тапхăрта профессилле хăнăхăва çухатнă. “ЧР халăха ĕçпе тивĕçтерекен патшалăх службин Красноармейски районĕнчи халăха ĕçпе тивĕçтерекен центрĕ” патшалăх учрежденийĕ сире вĕренме, пĕлĕве ÿстерме сĕнет.
Чăваш Республикинчи ĕç рынокĕнчи лару-тăрăва йĕркелештерес тĕлĕшпе туса хунă хушма мероприятисен республикăри тĕллевлĕ программипе килĕшÿллĕн 2011 çулта 3 çула çитичченхи пепкене пăхма уйăрса панă отпуск вăхăчĕ вĕçленекен хĕрарăмсем, кăçал ĕçе тухма палăртакансем валли, вĕсен профессилле хатĕрленĕвне, пĕлĕвне тата квалификацине ÿстерме пăхнă.
Мероприятисен тĕллевĕ:
— паянхи вăхăт ыйтнине шута илсе хĕрарăмсен профессилле квалификаци шайне ÿстересси;
— çамрăк ача амăшĕсене амăшăн тивĕçĕсене кăмăлланă ĕçпе çыхăнтарма май туса парас, çĕнĕ ĕç вырăнне куçма пулăшас тĕллевпе профессилле хăнăху илме витĕм кÿресси.
2011 çулхи августăн 31-мĕшĕнче Красноармейски ялĕнче “сутуçă-кассир” специальноçне алла илес тĕлĕшпе ушкăн йĕркелесе вĕрентме пуçлаççĕ. Виçĕ çула çитичченхи пепкене пăхма уйăрса панă отпуск вăхăчĕ вĕçленекен хĕрарăмсене, кăçал ĕçе тухма тĕллев тытнисене, асăннă курссенче вĕренсе çак специальноçа илме сĕнетпĕр. Вĕренÿ тÿлевсĕр (уйăх — уйăх çурă вĕренмелле), çак тапхăрта сире уйăхне 4611 тенкĕ стипенди тÿлеççĕ.
Источник: "Ял пурнăçĕ" (Красноармейская районная газета)