23 июня 2011 г.
Çĕртме уйăхĕн 16-мĕшĕнче "ЧР халăха ĕçпе тивĕçтерекен патшалăх службин Красноармейски районĕнчи халăха ĕçпе тивĕçтерекен центрĕ" патшалăх учрежденийĕнче килте виçĕ çула çитмен ачасене пăхса ларакан хĕрарăмсене ЧР ĕç рынокĕнчи çăмăл мар лару-тăрăва йĕркелештерес тĕллевпе республикăн тĕллевлĕ программин хушма мероприятийĕсене хутшăнма май туса парас пирки “çавра сĕтел” иртнĕ. Тĕл пулăва çак категорири хĕрарăмсене маларах профессиллĕ вĕрентÿ парас программа çинчен тĕплĕн каласа парас тĕллевпе йĕркеленĕ.
Центрăн ертсе пыракан инспекторĕ И. Иванов килте виçĕ çула çитмен ачасене пăхса ларакан хĕрарăмсене ĕçе тухиччен çĕнĕ професси илме е квалификацие ÿстерме май пурри пирки чарăнса тăнă. Игорь Юрьевич ĕç рынокĕнчи лару-тăру, паянхи вăхăт ыйтакан профессисем пирки, тÿлевсĕр майпа вĕренме май пур профессиллĕ курссем çинчен каласа панă. Кунсăр пуçне ку категорири хĕрарăмсем республикăри тĕллевлĕ программăна пула вĕреннĕ вăхăтра стипенди илеççĕ. И. Иванов çĕнĕ вăл е ку специальноçе илес текен кашни хĕрарăмпа уйрăммăн калаçнă, вĕренÿ курсĕсем пирки каласа кăтартнă. Хĕрарăмсене вара профессиллĕ вĕренÿ илнĕ хыççăн ĕçе вырнаçас ыйту хумхантарнă.
Источник: "Ял пурнăçĕ" (Красноармейская районная газета)