17 июня 2011 г.
Пирĕн районта инвалидсем валли ятарлă 9 ĕç вырăнĕ йĕркелеме пăхаççĕ.
"Красноармейски районĕнчи халăха ĕçпе тивĕçтерекен центр" патшалăх учрежденийĕ паянхи куна Трак енри 8 предприятипе килĕшÿ турĕ. Ун тăрăх инвалидсем валли 9 çĕнĕ ĕç вырăнĕ уçма пăхаççĕ.
Инвалида — сусăр çынна ĕçе вырнаçтарас тесен çак мероприятисене пурнăçламалла: штат единици кĕртмелле, ятарлă оборудовани вырнаçтармалла, сывлăха сиен кÿрес мар тесе ĕç условийĕсем туса хумалла. Кашни инвалидăн ятарлă ĕç вырăнĕ пирки республикăри ятарлă программăран 50 пин тенкĕ уйăраççĕ, пĕтĕмпе вара ятарласа ĕç вырăнĕсене туса хума 450 пин тенкĕ палăртаççĕ.
Ятарлă ĕç вырăнĕсем валли проектсене "Бизнес-инкубатор" центрĕнче, "Колос", "Сельхозхимия" ОООсенче йĕркелесшĕн. Хальхи вăхăтра асăннă предприятисем ортопедиллĕ çемçе креслосем туянса çирĕплетсе лартас, çÿллĕшне пăхса тата тайлăмне кура сĕтелсем, ытти ятарлă оборудовани вырнаçтарас тĕлĕшпе ĕçлеççĕ. Халĕ пирĕн центрта ĕçе вырнаçтарас кандидатурăсене пăхса тухаççĕ.
Источник: "Ял пурнăçĕ" (Красноармейская районная газета)