26 ноября 2010 г.
Çÿлерех асăннă категорири граждансене вăхăтлăха ĕçе вырнаçтарасси çамрăксемсĕр пуçне вĕренÿ заведенийĕсене, халăха ĕçпе тивĕçтерекен центра, влаç органĕсене те пырса тивекен ыйту. Çак мероприятисене кĕçĕн тата вăтам професси илнĕ çамрăксене ĕç опытне пухма тата пĕрремĕш ĕç вырăнĕнче çирĕпленме пулăшас тĕллевпе ирттереççĕ.
Обществăшăн ĕç рынокĕнче диплом илнĕ пур çамрăк специалиста та ыйтса илни пысăк пĕлтерĕшлĕ. Çапах та практика çамрăксене хăйĕн специальноçĕпе ĕç вырăнĕ тупма яланах май çуккине кăтартса парать. Вăхăтлăх ĕçе вырнаçас енĕпе ирттерекен мероприятисене хутшăнни илнĕ профессипе ĕç опытне пуянлатма тата ĕç рынокĕнчи ăмăртса ĕçлес пултарулăха ÿстерме май парать.
Çак категорине кĕрекен ĕçсĕр граждансене ĕç паракансем вăхăтлăх уйăрнă вырăнсене вырнаçтараççĕ. Ку мероприятие хутшăнакансем ĕç паракан тÿлекен ĕç укçине илеççĕ тата ĕçпе тивĕçтерекен центр çирĕплетнĕ укçа-тенкĕпе çыхăннă пулăшăва тивĕçеççĕ.
Паянхи куна халăха ĕçпе тивĕçтерекен центр урлă районти организацисемпе икĕ килĕшÿ тунă. Вĕсемпе килĕшÿллĕн пĕрремĕш хут ĕç шыракан кĕçĕн тата вăтам професси пĕлĕвĕ илнĕ 18—20 çулхи икĕ çамрăка вăхăтлăх ĕçе вырнаçтарнă. Районти халăха ĕçпе тивĕçтерекен центр сирĕнпе малалла та килĕшсе ĕçлеме хавас.
Источник: "Ял пурнăçĕ" (Красноармейская районная газета)