03 октября 2017 г.
Вакансисен ярмăрккисем - вырăнти халăха ĕçпе тивĕçтерес енĕпе питĕ тухăçлă мелсем. Вĕсем граждансене хăйсем валли ĕç тупма пулăшаççĕ, унтах ĕç параканпа та куçа-куçăн калаçма пулать.
Çулталăк пуçланнăранпа районти ĕçпе тивĕçтерекен центр вакансисен 7 ярмăрккине йĕркеленĕ. Вĕсенчен пиллĕкĕшне - ĕçсĕр граждансем, иккĕшне 14-18 çулхи çул çитмен çамрăксем валли ирттернĕ.
Ярмăрккасене ĕç паракансен 14 представителĕ хутшăннă, вĕсем 150 вакантлă вырăн сĕннĕ. Çак мероприятисене 90 çын хутшăннă, вĕсенчен çул çитмен 55 çамрăк, ĕçсĕр 35 çын ĕçе вырнаçма пултарнă. Сентябрĕн 27-мĕшĕ тĕлне районти ĕçпе тивĕçтерекен центрта 31 çын шутра тăнă, ĕçсĕрлĕхĕн регистрациленĕ шайĕ 0,22 процентпа танлашать.
Çулталăк пуçланнăранпа ĕç шыраса пурĕ 699 çын центра килнĕ.
К.КОКШИН,
директор.
Источник: "Каçал Ен"