Публикации » Вакансисен ярмăрккине - ĕçе вырнаçма

26 марта 2014 г.

Халăха ĕçпе тивĕçтерекен Комсомольски районĕнчи центрĕ ĕç шыракансем тата ĕçсĕррисем валли кăçалхи январь - март уйăхĕсенче виçĕ хутчен вакансисен ярмăрккисем ирттернĕ, унта 93 çын хутшăннă. Районти 7 организаци тĕрлĕ специальноçсемпе 138 ĕç вырăнĕ пурри çинчен пĕлтернĕ. Организацисен ертỹçисем ирттерекен мероприятисем ĕç шыракансемшĕн те, предприятисемшĕн те усăллине палăртрĕç, мĕнле ĕç вырăнĕсем пуррипе, ĕç условийĕсемпе тата ĕçшĕн епле тỹлессипе паллаштарчĕç. Интереслентерекен ыйтусем çине ярмăрккана килнисем тулли хуравсем илчĕç. Ĕçе вырнаçма кăмăл тунисем анкетăсем çырчĕç, ĕç паракансемпе калаçрĕç. Ярмăрккасене хутшăннисем (47-ĕн) хăйсене килĕшекен ĕç тупрĕç.

Г.ВОРОНОВА.

Источник: "Каçал Ен"