28 декабря 2013 г.
Иртнĕ эрнере район администрацийĕн залĕнче инвалидсене ĕç вырăнĕсем квотăласси пирки канашлу иртнĕ. Унта район администрацийĕн ял хуçалăх тата экологи пайĕн начальникĕ И.Х.Миннетуллин, куç курманнисен районти обществин председателĕ Г.И.Михайлов, ĕçпе тивĕçтерекен центр директорĕн ĕçĕсене пурнăçлаканĕ Н.Н.Дряблова, предприятисемпе организацисен представителĕсем хутшăннă.
Н.Дряблова районта инвалидсене ĕçпе тивĕçтересси еплерех пурнăçланса пынипе паллаштарнă. Çавăн пекех организацисемпе предприятисене инвалидсене ĕç вырăнĕ туса панăшăн республика ятарлă программипе килĕшÿллĕн субсидиленине каласа хăварнă.
Ĕçпе тивĕçтерекен центр специалисчĕ Е.Волкова хăш-пĕр ыйтусене туллин çутатнă, организацисемпе предприятисен кашни уйăхрах ĕç вырăнĕсем пирки вăхăтра пĕлтермеллине аса илтерсе хăварнă.
Источник: "Каçал Ен"