21 декабря 2013 г.
Чăваш Республикинчи 2011 çулхи ноябрĕн 25-мĕшĕнчи 68 №-лĕ «ЧР инвалидсене ĕç вырăнĕсем квотăласси çинчен калакан» саккунĕпе килĕшÿллĕн районта 35—100 çын ытларах ĕçлекен организацисемпе предприятисем сусăрсем валли квотăпа çирĕплетнĕ йĕркепе ĕç вырăнĕсем тума тивĕç. Сăмахран, декабрĕн 13-мĕшĕ тĕлне 100 çын ытла тăрăшакан 3 организацинче квотăланă 16 вырăнтан 14-шне хевтесĕррисене ĕçпе тивĕçтернĕ те. Районĕпе илес пулсассăн палăртнă квотăна 87,5 процент чухлĕ пурнăçланă.
Районта 35 çын ытла ĕçлекен предприятисем пурĕ 30. Апла пулсассăн вĕсен уйăхсерен ĕçпе тивĕçтерекен центра инвалидсене ĕçе илме палăртнă квотăна пурнăçланипе пурнăçламаннине пĕлтерсе информаци памалла. Ĕçе вăхăтра пурнăçламан предприятисене административлă йĕркепе явап тыттарма та пултараççĕ.
Сусăр çынсене куллен пулăшасси пирĕн тивĕç. Апла пулсассăн вĕсене ĕçлеме, пурăнма кирлĕ условисем туса парасчĕ. Хевтесĕррисем хăйсене хÿтлĕхре туйччăр.
Н.ДРЯБЛОВА.
Источник: "Каçал Ен"