09 ноября 2013 г.
Районти ĕçпе тивĕçтерекен центра кăçал пенси çулне çывхаракан 79 çын ĕç шыраса пынă. Вĕсенчен 7-шне ĕç вырăнне чакарнипе е организаци хупăннипе ĕçрен хăтарнă.
Ĕçпе тивĕçтерекен центр пулăшнипе 19 çынна ĕçе вырнаçтарнă. Çавăн пекех пенсири 14 çын ĕç шыраса пынă пулсассăн, вĕсенчен 7-шне ĕç вырăнĕпе тивĕçтернĕ.
Пенсие тухма 2 çул юлнă граждансене ĕçпе тивĕçтерекен центр сĕннипе маларах пенсие яма ирĕк пур. Çавна май январь — октябрь уйăхĕсенче ĕçсĕр 4 çынна пенсипе тивĕçтерме йышăннă, вĕсенчен иккĕшĕ — инвалидсем.
Пенси çулне çитнĕ граждансене ĕçлеме условисем туса парас тĕлĕшпе ĕçпе тивĕçтерекен центр çĕнĕ мелпе ĕçлеме пикеннĕ. Унпа килĕшÿллĕн çитес çул 2 гражданин хăйсен пĕлĕвĕсене ÿстерĕ.
Г.ВОРОНОВА.
Источник: "Каçал Ен"