30 апреля 2013 г.
Ваканси ярмăрккисем ĕçсĕрлĕх шайне чакарма пулăшакан лайăх мелсен шутне кĕреççĕ. Çулталăк пуçланнăранпа районти халăха ĕçпе тивĕçтерекен центр çакăн евĕр 4 ярмăркка йĕркеленĕ. Вĕсене 9 ĕçпе тивĕçтерекен хутшăннă. Ярмăрккасене йĕркелессинче Р.З.Пахалов, В.И.Краснова уйрăм предпринимательсем, «Энергосервис» ООО тата хăш-пĕр ял тăрăхĕсем уйрăмах хастар пулнă. Çавăн пекех пенси ÿсĕмне çитсе пыракансем валли те ярмăркка иртнĕ. Пурĕ ваканси ярмăрккисене 73 ĕçсĕр çын хутшăннă, вĕсенчен 42-шĕн ĕçе вырнаçма май килнĕ.
Ĕçпе тивĕçтерекенсене ваканси ярмăрккисене ирттерессине хутшăнма йыхравлатпăр. Сирĕн заявкăсемпе килĕшÿллĕн çакăн пек мероприятие предприятисенче, халăха ĕçпе тивĕçтерекен центрта е Интернет-технологисемпе усă курса ирттерме пулать. Аса илтеретпĕр: ярмăрккана хутшăнни кирлĕ кадрсене хăвăрт тупма пулăшать.
Г.ВОРОНОВА.