Публикации » Вакансисем пур

2012 çулхи апрелĕн 4-мĕшĕ тĕлне районти халăха ĕçпе ти-вĕçтерекен центрта 121 ваканси пур: экономика сферинче —2, ял хуçалăхĕнче — 7, суту-илÿпе обществăлла апатланура — 23, медицинăра — 12, строительствăра 44 тата ытти те. Ĕçлекенсем çитменни çинчен районти 30 организаци пĕлтернĕ.

Вакансисене тишкерсен çакă палăрать: «Восток» ЯХПКра — агроном, тĕп зоотехник, районти тĕп больницăра — врач (8), фельдшерпа акушер пункчĕн заведующийĕ (2), Комсомольски райповĕнче — фармацевт (2), сутуçă (5) вакансийĕсем 3—4 уйăх ĕнтĕ пушă.

Паянхи кун чи кирлĕ специальноçсем: агроном, инженер, машинăпа ĕне сăвакан оператор, тракторист, водитель, врач, сутуçă, культорганизатор, монтажник, платник, токарь, кондитер, çĕвĕç тата ыттисем те.

Унсăр пуçне Канашри «КЗЭП» УАОна, Шупашкарти «Паландорпроектсервис» ОООна вахта мелĕпе ĕçлеме фрезеровщиксем, электрогазосварщиксем, токарьсем, каменщиксем, монолитчиксем, фасадчиксем, кровельщиксем, штукатур-малярсем, платниксем, гипсокартонщиксем кирлĕ. Ĕç укçи — 10—50 пин тенкĕ.

Ĕçе вырнаçас текенсене районти халăха ĕçпе тивĕçтерекен центра çак адреспа пыма чĕнетпĕр: Комсомольски ялĕ, Завод урамĕ, 29 çурт. Телефон: 5-13-79.