Публикации » Ĕçсĕррисене – психологи пулăшăвĕ

Психологи пулăшăвĕ ĕç рынокĕнчи конкуренцие хирĕç тăма, карьерăра çирĕп утăмсем тума кирлĕ. Ĕç, професси тивĕçĕсене пурнăçлама, харпăр хăйне аталантарма чаракан чăрмавсене çĕнтерме психологсем пулăшаççĕ.

Психологи пулăшăвĕн тĕп енĕсем:

— психологи профилактики — çыннăн, пĕчĕк ушкăнсемпе коллективсен психика аталанăвне йĕркелесе тăрасси, çынсем хушшинче тĕрлĕ тавлашусем сиксе тухасран сыхласси;

— психологи консультацийĕ — пурнăç условийĕсене хăнăхма, çивĕч лару-тăрусене çĕнтерме пулăшасси, харпăр хăйне тĕрĕс хаклама вĕрентесси, кăмăл-туйăм енчен çирĕплетесси;

— психологи коррекцийĕ — психикăн тĕрĕс мар аталанăвне йĕркене кĕртесси, çынсем хушшинчи хутшăнусене лайăхлатасси.

Психологи пулăшăвĕн тĕп мелĕсем:

— психологи пĕлĕвĕ парасси;

— психологпа психотерапевт консультацийĕ;

— диагностика;

— тренинг;

— психологи коррекцийĕ;

— ытти мелсем.

Психологи енчен пулăшу парас шутпа кăçал февралĕн 29-мĕшĕнчен пуçласа мартăн 1-мĕшĕччен районти халăха ĕçпе тивĕçтерекен центрта «Аспект» центр пулăшнипе психологи тренингĕ иртрĕ. Унта ĕçсĕр 11 çын хутшăнчĕ. Çавăн пекех ĕçсĕр 2 гражданин уйрăм психологи консультацийĕ витĕр тухрĕ. Çавăн евĕр тренингсем хальхи çăмăл мар условисенче питĕ пĕлтерĕшлĕ пулнине палăртса хăвармалла.