Публикации » Видео-чат урлă çыхăнаççĕ

Аçтаха çулĕнче Комсомольскинчи халăха ĕçпе тивĕçтерекен центрта ырă улшăнусем кĕртнĕ. Вĕсенчен пĕри вăл — ĕçсĕррисем малашне ĕçпе тивĕçтерекенпе видео-чат функцийĕпе усă курса Skype урлă калаçма пултараççĕ. Паллах, ĕçпе тивĕçтерекенĕн Skype пулсан.

Çак меслет нумай çăмăллăх парать:

— видеоинтервью вăхăт тата укçа перекетлет;

— специалистсене персонал суйлама хака ларакан командировкăсене ямалла мар;

— видеокалаçу ĕçпе тивĕçтерекене ĕçе вырнаçас текенĕн коммуникативлă пултарулăхне хаклама май парать тата ытти те.

Эпир организацисемпе предприятисен ертÿçисене çак программăна туянма чĕнсе калатпăр. Унпа усă курас тесен компьютер урлă интернета тухмалла, веб-камерăпа микрофон пулмалла.

Ыйтса пĕлмелли телефон: 5-13-79.