Публикации » Ĕçсĕррисене вĕренме яратпăр

Ĕçсĕр граждансене профессие вĕрентесси — республикăри халăха ĕçпе тивĕçтерекен центрсен ĕçĕнчи тĕп енсенчен пĕри. Профессиллĕ вĕренÿ хальхи вăхăтра тивĕçлĕ ĕç вырăнĕ тупма пулăшать. Хушма профессиллĕ вĕренÿ 3 тĕрлĕ пулать: профессиллĕ хатĕрлев, пĕлĕве анлăлатни, квалификацие ÿстерни. Вĕсен тĕп тĕллевĕ — ĕçсĕррисен конкуренцие хутшăнма пултараслăхне пысăклатасси тата ĕç çухатнипе çыхăннă социаллă дезадаптацие çĕнтересси.

Районти халăха ĕçпе тивĕçтерекен центр 2012 çулта ĕçсĕррисене машинист, котельнăй операторĕ, электрогазосварщик, бухгалтер, ПЭВМ операторĕ, парикмахер, çĕвĕç тата ытти профессисене вĕренме яма планлать.

Çыннăн професси çук пулсан, кирлĕ квалификаци пулманнипе ĕç тупаймасан, ĕç çуккипе профессие улăштармалла пулсан, унчченхи профессипе мĕнле те пулин сăлтавпа ĕçлейми пулсан ĕçпе тивĕçтерекен центр тÿлевсĕр вĕренме ярать. Вĕренсе пĕтерсен свидетельство е удостоверени параççĕ.

Интересленекенсене, вĕренме кăмăл тăвакансене районти халăха ĕçпе тивĕçтерекен центра çак адреспа пыма ыйтатпăр: Комсомольски ялĕ, Завод урамĕ, 29 çурт. Телефон: 5-13-79.