Публикации » Конкурсра çĕнтернĕ

Кăçал Чăваш Енĕн халăха ĕçпе тивĕçтерекен патшалăх служби республикăра инвалидсем хушшинче хăйсем тĕллĕн ĕçлессине йĕркелемелли чи лайăх проект конкурсне йĕркеленĕ. Çĕнтерÿçĕсене икĕ тапхăрпа суйланă: малтан — кашни муниципалитет пĕрлĕхĕнче, кайран республика шайĕнче. Юлашки тапхăр вара — Чăваш Республикин Президенчĕ çумĕнчи Инвалидсемпе ĕçлекен канашĕн инвалидсене ĕçе вырнаçтарма пулăшассипе çыхăннă ыйтусемпе ĕçлекен ушкăнĕнчи тишкерÿ пулнă. Шăпах унта тăватă çĕнтерÿçе палăртнă. Вĕсен йышĕнче пирĕн районти Чĕчкен ялĕнче пурăнакан Шамиль Юнусов та пур. Вăл мăйракаллă шултра выльăх самăртма ферма уçнă, тухăçлă ĕçлет. Шамиль патшалăхран хăйсен ĕçне уçмалли тивĕçлĕ субсиди илнĕ. Кунсăр пуçне ЧР «Фармация» ПУПăн генеральнăй директорĕн, Чăваш Республикин Патшалăх Канашĕн депутачĕн В.Н.Филимоновăн 5 пин тенкĕлĕх премине тивĕçнĕ.