07 марта 2019 г.
Сăн ÿкерчĕкре Мучар шкулĕнчи географи вĕрентекен Надежда Муханована куратăр. Чĕрĕк ĕмĕр вăй хурать вăл ачасене тарăн пĕлÿ, тивĕçлĕ воспитани парас тĕлĕшпе. Аслă категориллĕ учителĕн ачисем олимпиадăсенче çĕнтерÿçĕ-сем пулса тăраççĕ. Надежда Борисовна хăй те районти, республикăри вĕрентекенсен ăсталăхне тĕрĕслекен конкурссене хутшăнать. Кăçал Чăваш Республикин вĕрентÿ институчĕ хăш-пĕр предметсемпе вĕрентекенсен професси пултарулăхĕн конкурсне ирттерсе итогсене пĕтĕм-летнĕ. Тĕрлĕ номинацисенче Л.К.Ванерке (Енĕш Нăрваш шкулĕ), Е.Г.Павлова (Тăвай), Т.А.Кузнецова (Элпуç) урокĕ-сем пысăк хака тивĕçнĕ. Мучар шкулĕнчи Н.Б.Муханова «Традициллĕ мар чи лайăх географи урокĕ» номинацире 2-мĕш вырăн йышăннă.
Вĕренекенсем те, вĕсен ашшĕ-амăшĕ, ĕçтешĕсем те хисеплеççĕ Надежда Борисовнана. Пултаруллă ĕçне тивĕçлипе хакланă. Район, регион шайĕнчи Тав хучĕ-семпе Раççей Федерацийĕн Вĕрентÿ министерствин Хисеп грамотине парса чысланă.
Источник: "Ял ĕçченĕ"