27 апреля 2018 г.
“Аль” ФСК-ДЮСШра Артем Егорова асăнса мини-фут- болла выляссипе уçă турнир иртнĕ. Арçын ачасен ?2004_2005 çулсенче çуралнисем/ ултă команди хутшăннă районти ăмăртăва.
Мероприятие уçнă май, Тă-вай район администраци пуçлăхĕн çумĕ _ Олег Ломоносов çамрăк футболистсене ăнăçу, малашне те спортпа туслă пулма суннă. Артем Артемьевичăн пиччĕшĕ Роман Егоров, “Аль” ФСК директорĕ Анатолий Кириллов турнира хутшăнма кăмăл тунăшăн тав тунă май, районта физкультура юхăмне аталантарма пысăк тÿпе хывнă, пурнăçран ытла та ир уйрăлнă спортсменсем те яланах асра пулĕç, тенĕ.
Куçса çÿрекен кубока Тăвай шкулĕн команди ?тренер-преподавателĕ Валерий Кузнецов/ çĕнсе илнĕ. Иккĕмĕшĕнче тĕмерсем пулнă. Виççĕмĕш вырăнта _ Артем çуралнă Енĕш Нăрваш ялĕнчи футболистсем. Чи ăста вылякансене те па- лăртнă, вĕсен йышĕнче _ И.Кириллов, Н.Михайлов, Д.Лисов.
Ял тăрăхĕн пуçлăхĕ Роман Егоров, çак тупăшăва йĕркелекенĕ, турнир ирттерессине районти спорт мероприятийĕсен календарьне кĕртме сĕннĕ.
Источник: "Ял ĕçченĕ"