27 апреля 2018 г.
Чăваш Наци библиотекинче Иван Яковлев çуралнăранпа 170 çул çитнине халалласа литературăпа музыка хайлавĕсен “Чăваш Ене мухтаса” ятлă халăхсем хушшинчи фестиваль-конкурсĕ иртнĕ. Ачасемпе çамрăксен форумне çĕршывăн тĕрлĕ кĕтесĕсенчен пултарулăх коллективĕ- сем хутшăннă. Уйрăм конкурсантсем те хăйсен ăсталăхĕпе тĕлĕнтерсе уява илем кÿнĕ.
Фестиваль программи тулли содержаниллĕ те хăйне евĕрлĕхĕпе палăрнă. Тĕрлĕ номинацисенче çĕнтерÿçĕ- сене палăртнă: литература вулавĕсем (сăвăсем, проза); юрлассипе (вокал, инструментпа каламалли музыка); театр искусстви.
Мероприяти Чăваш Енрен, Раççей регионĕсенчен тата тĕрлĕ çĕршывсенчен (Чехи, Кени, Камерун, Узбекистан, Кыргызстан, Ангола, Конго) килнĕ хăнасенчен пуян пулнă.
“Тăвайри ача-пăча искусство шкулĕ” хушма пĕлÿ паракан учрежденинчи “Забава” ансамбль юрланине (преподавателĕ Надежда Петрова) тата Софья Иванова пианисткăн (Светлана Глухова) пултарулăхне жюри членĕсем пысăк хак панă, Тăвай енĕн çамрăк артисчĕсем I степеньлĕ лауреатсем пулса тăнă.
Источник: "Ял ĕçченĕ"