27 февраля 2018 г.
Район центрĕнче нумай хваттерлĕ çуртсем чылай. Асăннă объектсем вăхăт иртнĕ май кивелеççĕ, çавăнпа вĕсене çĕнетме тивет.
Çуртсене тĕпрен юсамалли кĕске сроклă республикăри плана пĕлтĕр Тăвай ялĕнчи Ленин проспектĕнчи 50-мĕш çурта кĕртнĕ, унăн тăррине Канаш хулинчи “Стройсантех” общество юсанă. Ĕç калăпăшĕ пĕр миллион та 930 пин те 999 тенкĕпе танлашнă.
2018 çулта вара район центрĕнчи Ленин проспектĕ-нчи 31-мĕш çуртăн сивĕ шыв, канализаци системисене, 2019 çулта Ленин проспектĕ-нчи çирĕм улттăмĕш çуртăн тăррине, 2020 çулта Юсавпа техника предприяти территорийĕнчи 28-мĕш çуртăн тăррине тĕпрен юсама палăртнă.
Тăвай ял тăрăхĕнчи вырăнсене тирпейлĕ тытас ыйту тĕп вырăнта тăрать. 2017 çулхи çурла уйăхĕнче нумай хваттерлĕ çуртсен картишне тата обществăлла территорисене муниципаллă программăна кĕртес тĕллевпе инвентаризаци туса ирттернĕ.
Пĕтĕмлетÿсем тăрăх картишсене тирпейлес тесе - 9, обществăлла вырăнсене илемлетме 3 паспорт çирĕ-плетнĕ. “Хăтлă хула” проектпа килĕшÿллĕн 2018-2022 çулсен аталану программине ырласа йышăнтăмăр. Программăна ĕçе кĕртме, çуртсенче пурăнакансемпе пуху ирттерсе, район центрĕнчи Кооперативнăй урамри 20, 22-мĕш çуртсен картишĕсене суйласа илтĕмĕр. Вĕсен дизайн-проекчĕсене туса Чăваш Республикин тĕп архитекторĕ патне çитернĕ, ăна пăхса тухса ырланă. Хальхи вăхăтра проект экспертиза центрĕнче. Проект хакĕ - 3 миллион та 770 пин тенкĕ. Çак проектпа 5 çул ĕçлесен, ытти картишсем те тирпейлĕ пуласса шанас килет.
Чăваш Республикин Министрсен Кабинечĕн “Вырăнти пуçарусемпе обществăлла инфратытăма аталантарасси” проектăн хушăвне тĕпе хурса раштав уйăхĕнче Тăвай ял çыннисемпе пуху ирттернĕ, çак проект конкурсне хутшăнас ыйтăва хускатнă. Анкетировани мелĕпе халăхра социаллă ыйту йĕркеленĕ.
Ял халăхĕ, ак, ашшĕ-амăшĕ-сем ачасене хоккейла выляма ятарлă вырăн çукки пирки ыйту хускатрĕç. Ял тăрăхĕн администрацийĕ хоккей коробкин проектне туса хатĕ-рленĕ, пăхса тухса ырланă. Проект хакĕ - 1 миллион та 701 пин те 390 тенкĕ.
Халĕ вара пирĕн хоккеистсен Чÿкçырминчи хоккей коробкинче выляма тивет. Иртнĕ кунсенче “Ылтăн шайба” кубокĕшĕн республикăри вăйăсене йĕркелерĕç унта. Тăвай ялĕн команди ?сăн ÿкерчĕкре/ виççĕмĕш вырăна тухнă.
Ял тăрăхĕпе, пĕтĕмĕшле илсен, 1110 çын çар учетĕн-че тăрать. Яшсене çĕршыв умĕнчи тивĕçне пурнăçлама пулăшассипе кирлĕ шайра тимлеççĕ.
Çара каякан çамрăксене, ял тăрăхне йыхравласа, савăнăçлă лару-тăрура ăсатасси йăлана кĕнĕ. 2017 çулхи çурхи тата кĕрхи призыв вăхăтĕнче 15 яша Раççей Çарне илнĕ, вĕсенчен 5-шĕ контракт мелĕпе службăра тăраççĕ.
Ял тăрăхĕн администрацийĕ çумĕнче профилактика канашĕ ĕçлет. Ларусем кашни кварталтах иртеççĕ. 2017 çулта 5 лару пулнă.
Унта ачасен çуллахи канăвне йĕркелессине, район прокурорĕн информацине, йывăр лару-тăрури çемьесене, ял тăрăхĕн территорийĕ-нче йĕркене пăснă тĕслĕхсене пăхса тухнă тата ытти те. Ларăва яваплă çынсене йыхравланă. Отчетлă тапхăрта 29 çемьене рейдпа çитнĕ, кашнинчех акт çырнă.
Пирĕн профилактика канашĕ районти полици уйрăмĕ-пе тачă çыхăнса ĕçлет.
Халăх пурăнакан вырăнсене тата общество хутлăхĕсене тирпей-илем кĕртесси пурне те пырса тивекен ĕç шутланать.
Хамăр пурăнакан картиш сăн-сăпачĕ, унта çутă та таса пулни, йывăç-тĕм, чечек клумбисем, уçăлса çÿремелли тата ачасем валли канмалли вырăнсем, меллĕ саксем, автомобиль тăратмалли вырăнсем пурри, пурăнакан вырăн çуллен хăтлăланса пыни кашни çыншăн пĕлтерĕшлĕ
Источник: "Ял ĕçченĕ"