Публикации » Тăрăшсах ĕçлерĕç

01 сентября 2017 г.

Çанталăк пĕр-икĕ кунлăха тĕксĕмленчĕ те, кĕçнерникун тÿпене каллех сарă хĕвел тухрĕ. Район центрĕнчи ача-пăча паркĕ çывăхĕнче ирех çынсем хĕвĕшме пуçларĕç.
- Çĕршыври “Симĕс Раççей” экологи общество юхăмĕ пуçарнипе тăван тăрăха хăтлăрах тата тирпейлĕрех тăвас, ял-хулари экологи лару-тăрăвне лайăхлатас, граждансен экологи культурине çĕклессипе çак тапхăрта темиçе çул ĕнтĕ субботник йĕркелеççĕ. Эпир те айккинче юлас темерĕмĕр ку мероприятирен иртен-çÿрен кăмăлне çĕклеме паркăн картине тĕрлĕ тĕспе сăрласа илемлетме тухрăмăр, - пĕлтерчĕ информаципе аналитика центрĕн директорĕ В.Белова. 
Сăрлакансем хушшинче тĕрлĕ ÿсĕмрисем пур, арçынсемпе хĕрарăмсем хавхалануллă кăмăл-туйăмпа ĕçлеççĕ.
Çичĕ тĕрлĕ организаци работникĕсем çак йĕркесен авторне те хăйсен йышне хутшăнма йыхăрчĕç. Иртнĕ кунсенче Тăвай ялĕнчи ытти предприятисемпе учрежденисен коллективĕсем те субботникра пулчĕç.

Источник: "Ял ĕçченĕ"