Публикации » Çамрăк тĕпчевçĕсем

19 апреля 2017 г.

Шкул çулне çитмен ачасемпе кĕçĕн шкул ачисен тĕпчев ĕçĕсемпе пултарулăх проекчĕ-сен “Эпĕ - тĕпчевçĕ” республикăри конкурсăн виççĕмĕш, юлашки тапхăрĕ иртнĕ 2017 çулхи мартăн 31-мĕшĕнче Шупашкар хулинче. Ăна Чăваш Республикин вĕрентÿ тата çамрăксен политикин министерстви Чăваш Ен вĕрентÿ министерствин шкул тулашĕнчи ĕçĕн “Эткер” центрĕпе пĕрле йĕркелесе ирттернĕ.
Конкурс тĕллевĕ - ачасен тĕпчев пултарулăхĕпе хăнăхăвĕсене аталантарса пырса вĕсен ăс-тăнĕпе творчество вăй-хăватне ÿстересси. “Эпĕ - тĕпчевçĕ” республика конкурсне 140 çамрăк тĕпчевçĕ хутшăннă, çав шутран Тăвай районĕнчен - шкул çулне çитмен 9 ача.
Куçăн (очно) иртнĕ тапхăр итогĕсемпе çĕнтерÿçĕсен шутĕнче Тăвай ялĕнчи “Радуга” ача сачĕн çамрăк тĕпчевçисем те пур. “Вĕлле хурчĕсем” (“Пчелки”) хатĕрлев ушкăнĕнчи ачасем район чысне тивĕçлĕ хÿтĕлеме пултарнă. Марина Хайдукова тĕрлĕ майпа сухан лартса ÿстернĕ тата унăн сиплев енĕсене çирĕплетсе панă. Вăл “Чĕрĕ çут çанталăк” номинацире 2 вырăна çĕнсе илнĕ. Çак номинаципех хутшăннă Дарья Илларионова ÿсен-тăраншăн тымарăн пысăк пĕлтерĕшне уçса панă. “Чĕрĕ мар çут çанталăк” номинацире Регина Егорова тусан сиенĕ çинчен каласа ăнлантарнă. Вăл тусана пурăнакан темиçе пÿлĕмре тĕпченĕ, 3-мĕш вырăна тухнă. 
Ачасемпе ашшĕ-амăшĕ хăйсен педагогĕ-наставникĕпе Л.В.Фоминапа пĕрле паллаштарнă темăсем пурте актуаллă.

Источник: "Ял ĕçченĕ"