17 января 2017 г.
Кăшарни уявĕ çывхарса пынă май районта çынсене шыва кĕмелли ятарлă вырăнсем палăртнă.
Паллах, пурте пăр касса тунă ваксем патĕнче шыва кĕреймĕ. Пĕрисен сывлăхĕ хавшарах, теприсем аякри çула тухаймаççĕ.
Январĕн 18-мĕшĕнче кăнтăрла тĕлнелле бассейнри шыва сăваплама Сергий атте килет. "Аль" ФСКра сире Кăшарнире те, ытти кунсенче те яланах ырă сунса кĕтетпĕр.
Çакна та пĕлтересшĕн, сывлăх кунĕсенче "Аль" ФСКра çынсене тỹлевсĕр тивĕçтереççĕ.
А.КИРИЛЛОВ,
физкультурăпа спорт комплексĕн директорĕ.
Источник: "Ял ĕçченĕ"