10 февраля 2017 г.
Иртнĕ эрнере Тăвай районĕн йĕлтĕрçисем дистанцие тухрĕç. Уява Тăрмăш ялĕнчи стадионра ирттерчĕç. Чи малтанах стартра 2001-2002 çулсенче çуралнисем пулчĕç.
Пĕрремĕш вырăна Элпуç шкулĕнчен О.Никифорова тухрĕ, Тăрмăш шкулĕнче вĕренекен В.Симушкина - иккĕмĕшне, виççĕмĕш картлашка çине Тăвай шкулĕнчи А.Лапшина йышăнчĕ. Арçын ачасем хушшинче Тăрмăш шкулĕнчи А.Алексеев пĕрремĕшне, Тăвай шкулĕнчи В.Емельянов - иккĕмĕш, виççĕмĕшне Элпуç шкулĕнчи А.Максимов тухрĕç.
2003-2005 çулсенчи арçын ачасенчен Д.Поликарпов çĕнтерчĕ, иккĕмĕш вырăна Д.Яшуткин, виççĕмĕшне Д.Николаев (Тăрмăш шкулĕнчен) йышăнчĕç. Хĕрачасенчен чи маттурри Д.Андреева, А.Ялугина (Тăрмăш шкулĕ), Л.Петрова (Элпуç) пулчĕç.
1999-2000 çулсенче çуралнă хĕрачасем те маттур иккен. Пĕрремĕш вырăна М.Шакина (Тăвай), иккĕмĕшне Ф.Алексеева (Тушкил), виççĕмĕшне М.Гаврилова (Тăвай) йышăнчĕç.
18 çултан иртнĕ арçын ачасемпе арçынсенчен пĕрремĕш вырăна Д.Семенов, иккĕмĕшне Н.Георгиев, виççĕмĕшне В.Афанасьев - Тăрмăшри ял тăрăхĕнчен, тухрĕç. Хĕрачасемпе хĕрарăмсенчен вара А.Никифорована (Элпуç) çитекенни пулмарĕ. Иккĕмĕш вырăнта - Л.Антипова (Тăрмăш).
Шкулсен командисенчен тăрмăшсем çĕнтерчĕç, иккĕмĕшне - Тăвай, Тушкил ялĕнчен килнисем виççĕмĕшне йышăнчĕç. Малтисене тухнă спортсменсене дипломсемпе медальсем парса хавхалантарнă.
Январĕн 14-мĕшĕнче Шупашкар хулинче пулса иртнĕ чемпионатра хĕрачасенчен пирĕн районти О.Максимова 9 вырăн йышăнма пултарчĕ. М.Алексеев арçын ачасем хушшинче пĕрремĕш тухрĕ. Д.Семенов (11 вырăн), Д.Степанов (13), Е.Моисеев (31) начар мар чупнă. Тăвай енре пурăнакансем республикăра 7 вырăна тухма пултарнă. Тăрмăшри спортсменсене спорт шкулĕн тренерĕ В.И.Афанасьев вĕрентсе пырать. Хăй те кашни ăмăртăва хутшăнать.
В.ЛАВРОВА
Источник: "Ял ĕçченĕ"