27 декабря 2013 г.
Енĕш Нăрвашри халăх театрĕ çумĕнче ачасен “Путене” ятлă студийĕ ĕçлет. Вĕренекенсем вырăнти журналистăн “Пĕчĕк хÿтĕлевçĕсем” ятлă инсценировкине суйласа илнĕ.
Çак кунсенче вĕсем асăннă постановкăпа ялти шкул çулĕч-ченхи учрежденине çул тытрĕç. Çамрăк артистсен пултарулăхне пĕчĕккисем интересленсе пăхрĕç. А.Алексеева, А.Григорьева, В.Петров, Т.Иванова, Ф.Васильев, Н.Иванова вĕренекенсем хăйсене шанса панă рольсене аван сăнарларĕç.
Ялти шкул çулĕчченхи вĕренÿ учрежденийĕн заведующийĕ Г.Петрова малтан хăйсен ĕçĕпе кĕскен паллаштарчĕ, çамрăк артистсене тав турĕ. Г.Иванова илемлĕх ертÿçипе З.Васильева режиссера та çăмăл мар ĕçĕнче ăнăçусем сунчĕ. Поварсем пылак çимĕçсемпе, чейпе сăйларĕç ачасемпе вĕсен хăнисене.
В.НИКИТИН.
Источник: Ял ĕçченĕ.