13 сентября 2013 г.
Алена Вьюник кăçал Тăвайри вăтам шкултан лайăх паллăсемпе вĕренсе тухрĕ. Аттестатпа пĕрлех искусство шкулне пĕтерни çинчен документ илчĕ.
Хĕрĕн технологи енĕпе вĕренес шухăш та пурччĕ, анчах юрлама юратни çĕнтерчĕ. Иккĕленсе тăнă хыççăн вăл педуниверситетăн музыка факультетне фольклор уйрăмне çул тытрĕ. Пултаруллă хĕр юрланине илтсенех комисси членĕсем хăй хăш районтан пулнипе кăсăкланнă, вара тÿрех вăл кам патĕнче вĕреннине палăртнă. Аленăн сасси уçă, янăравлă, музыка тĕлĕшĕнчен тĕрĕс лартнăскер. Ахальтен мар ăна Тăвай шăпчăкĕпе танлаштараççĕ. Шкулта вĕреннĕ чухнех вăл хăй сассипе кирек мĕнле сценăна илем кÿме пултаратчĕ.
Источник: Ял ĕçченĕ