10 июля 2012 г.
Çак кунсенче эпир Енĕш Нăрвашри ача садĕнче аслă ушкăнра “Светофорик” конкурса хутшăнса уяв йĕркелерĕмĕр.
Республика шайĕнче иртекен тупăшу валли “Чи лайăх агитбригада” номинацие суйласа илтĕмĕр. Мероприяти тĕллевĕ – ачасене çул çинчи хăрушлăхран асăрхаттарасси, вĕсен сывлăхне упрасси, çÿрев правилисене пĕлнине çирĕплетсе хăварасси. Çаксене шута илсе пĕчĕк çул çÿрекенсемпе отряд ятне тата девизне тупса вĕрентĕмĕр. Вĕсем вара музыка руководителĕпе илемлĕ юрă-ташă хатĕрлерĕç. Хăнана юмахри Тухатмăш карчăк (воспитателе пулăшакан В.Ефимова) килни те кăмăла çĕклерĕ. Ăна тимлесех çул-йĕр правилисемпе паллаштарчĕç.
Çапла садикре илнĕ пĕлĕве çак уявра çирĕплетрĕç ачасем.
Источник: "Ял ĕçченĕ"